BEDEKTE PARKEERAREA

Aluzink word gebruik vir die konstruksie, met ’n verskeidenheid dakplate om van te kies. Zincalumne-plate kan gebruik word, of Colorbond, of deurskynende alternatiewe waar nodig. Die afronding van die dak word gedoen met ’n onderhoudsvrye poliëster-fascia. Dit verdoesel die plate en geut, wat die motorafdak ’n elegante, maar steeds praktiese voorkoms gee. Ons is sedert 1986 in besigheid en het al alles ervaar.

Ons konstruksies is geskik vir privaat sowel as besigheids doeleindes. Munisipale planne word deur ons geteken, en ons behartig die hele proses van teken tot goedkeuring. Kliente het dus volle gemoedsrus, en weet dat alles ten volle aan alle munisipale en ander vereistes voldoen.

Ons vakmanne is almal goed opgelei en werk as ’n span om enige ongerief vir die kliënt tot die minimum te beperk terwyl hulle op die terrein is. Met die hoë koste van ’n voertuig deesdae, maak dit sin om hierdie waardevolle bate te beskerm deur ’n ProPort-motorafdak te installeer.